«وبلىستاعى بالىق شارۋاشىلىعىن دامىتۋ قاجەت. بۇل – وسى ايماقتىڭ ەكونوميكاسىندا ماڭىزدى ءرول اتقاراتىن سالا. كاسپي تەڭىزى مەن جايىق وزەنىندە بالىقتىڭ ءتۇر-ءتۇرى بار. جىل باسىنان بەرى مۇندا 12 مىڭ توننا بالىق اۋلاندى. ونى وڭدەۋ جانە دايىن ءونىم شىعارۋ ءىسى دامىپ جاتىر. دەگەنمەن, بالىق شارۋاشىلىعىن ودان ءارى وركەندەتۋ ءۇشىن بىرقاتار جۇيەلى شارا قابىلداۋ قاجەت. ەڭ الدىمەن, بەكىرە تۇقىمداس بالىقتىڭ سانىن كوبەيتۋگە باسا ءمان بەرگەن ءجون. الەمدىك نارىقتا وعان سۇرانىس وتە جوعارى», دەدى مەملەكەت باسشىسى.
بيىل جايىققا 8,5 ميلليون شاباق جىبەرىلدى. پرەزيدەنت بۇل جۇمىستى ءالى دە جالعاستىرۋدى تاپسىردى.
«مەملەكەت قاراماعىندا بەكىرە وسىرەتىن ەكى زاۋىت بار. وسى كاسىپورىنداردىڭ توزىعى جەتىپ, قۇرال-جابدىعى ابدەن ەسكىرگەن. زاۋىتتاردى زامان تالابىنا ساي قايتا جاڭعىرتۋ كەرەك. سونداي-اق شاباق وسىرەتىن جوعارى تەحنولوگيالى جاڭا زاۋىتتار سالۋ ءۇشىن ينۆەستيتسيا تارتۋ اسا ماڭىزدى», دەدى ق. توقاەۆ.
